وزیر خارجہ، بختیار سیدوف نے انڈونیشیا کے وزیر ثقافت ،فادلی زون سے ملاقات کی۔ملاقات میں دونوں فریقین نے مذہبی، ثقافتی اور تاریخی اقدار پر مبنی دوستانہ تعلقات کو مزید مستحکم کرنے کی اہمیت پر زور دیا۔
وزیر خارجہ، سیدوف کااپنے ٹیلی گرام چینل پر کہنا تھا کہ، ہم فادلی زون کے ازبکستان کے بارے میں وسیع علم کی گہری قدر کرتے ہیں۔ ازبکستان اور انڈونیشیا مضبوط تاریخی اور ثقافتی تعلقات سے جڑے ہوئے ہیں اور ہم ان تعلقات کی مزید مضبوطی کے لیے پُرعزم ہیں۔
فریقین نے اپنے مشترکہ ثقافتی ورثے کے تحفظ، مطالعے اور فروغ کی اہمیت پر تبادلہ خیال کیا، بالخصوص اس شعبے میں ممکنہ مشترکہ منصوبوں اور پروگراموں پر توجہ مرکوز کی۔ بات چیت میں دونوں ممالک کے تاریخی اور روحانی ورثے کو اجاگر کرنے کے لیے اقدامات شامل تھے۔
رہنماوں کے درمیان ملاقات خوشگوار رہی ،جس میں ازبکستان اور انڈونیشیا نے ثقافتی اور انسانی شعبوں میں دو طرفہ تعاون کو بڑھانے کے عزم کا اعادہ کیا۔
