مقامی میڈیا نے منگولیا کی وزارت خوراک، زراعت اور ہلکی صنعت کے اعداد و شمار کا حوالہ دیتے ہوئے رپورٹ کیا کہ، منگولیا نے ازبکستان کو زندہ بھیڑوں کی ترسیل شروع کر دی ہے۔
صدر منگولیا کے ازبکستان کے ریاستی دورے کے بعد، منگولیا کے وزیر خوراک، زراعت اور ہلکی صنعت نے ازبکستان میں منعقدہ اعلیٰ سطحی بین الاقوامی فورم برائے غذائی تحفظ اور پائیدار ترقی کے اہداف میں شرکت کے دوران منگولیا سے ازبکستان کو زندہ بھیڑوں کی برآمد کے معاہدے کی تصدیق کی۔
یہ معاہدہ 21 دسمبر 2024 کو نافذ العمل ہوا، اور دو پروازوں کے ذریعے منگولیا سے ازبکستان 1440 زندہ بھیڑیں منتقل کی گئیں۔
منگولیا کی وزارت خوراک، زراعت اور ہلکی صنعت نے بتایا کہ، 2023 میں منگولیا اور ازبکستان کے درمیان دو طرفہ تجارت کا حجم 10 ملین ڈالر رہا۔ اگرچہ اشیاء کی اقسام محدود ہیں، لیکن یہ وبائی مرض کے آغاز کے بعد سے مسلسل بڑھ رہی ہیں۔
منگولیا نے ازبکستان کو 4.6 ملین ڈالر مالیت کی پراسیس شدہ بھیڑ اور میمنے کی کھالیں، مٹن اور بکرے کے گوشت کے اجزاء، اور منجمد مٹن، گائے اور بکرے کا گوشت برآمد کیا، جبکہ ازبکستان سے 5.4 ملین ڈالر مالیت کے انگور، پھل، خوراک کی اشیاء، ریفریجریشن اور فریزر کا سامان اور ٹرک درآمد کئے
