پاکستان قومی کرکٹ ٹیم کے کپتان محمد رضوان کا کہنا ہے کہ چیمپئنز ٹرافی کیلئے بہترین ٹیم تشکیل دی گئی ، ان فارم کھلاڑیوں کو اولین ترجیح دینی چاہیے، خوشدل شاہ اور فہیم اشرف اچھی فارم میں ہیں۔
لاہور میں پریس کانفرنس کرتے ہوئے قومی ٹیم کے کپتان محمد رضوان کا کہنا تھاکہ چیمپئنز ٹرافی کا اسکواڈ سب کے سامنے ہے ، لازم نہیں ہے کہ اسکواڈ میں تبدیلی کریں، ابھی ایسی کوئی بات نہیں کہ تبدیلی سکواڈ میں تبدیلی کریں ۔
ان کا کہنا تھا کہ بہترین ٹیم کا انتخاب کیا گیا ، خوشدل شاہ کی حالیہ کارکردگی اچھی رہی ہیں۔
محمد رضوان کا مزید کہنا تھاکہ کنڈیشنز کے مطابق پلیئنگ الیون کا انتخاب کریں گے، صائم ایوب کی کمی تو محسوس ہو گی کمبی نیشن بھی ڈسٹرب ہورہاہے، ابرار احمد پہلی ترجیح ہے اس لیے ابھی دوسرے اسپنرز کا نہیں سوچا، ان کا کہنا تھا کہ لاہور میں اوس کا عمل دخل ہوسکتا ہے ، اس لیے دو اسپنرزکام نہیں آسکتے۔
ان کا مزید کہنا تھا ، بہترین فارم والے اولین ترجیح ہیں ، خوشدل شاہ اور فہیم اشرف اچھی فارم میں ہیں۔ لیفٹ آرم اسپنر کی ضرورت تھی ۔ خوشدل شاہ اچھے بیٹر ہیں، فخر زمان کے ٹیم میں نہ ہونا بیماری کے باعث ہے اس کے علاوہ کوئی وجہ نہیں ۔ قومی ٹیم کے کپتان کا مزید کہنا تھا کہ بہت عرصے سےلاہور میں نہیں کھیلے ۔ لاہور میں تین ملکی سیریز کےمیچز کھیلنے سے بھی فائدہ ہو گا ۔
