قازقستان ریلوے (KTZ) کی پریس سروس کے مطابق، ازبکستان اور قازقستان کے درمیان نئی ریلوے منصوبے کا آغاز کر دیا گیا ہے، جو 2027 تک مکمل ہونے کی توقع ہے۔KTZ کے مطابق، یہ نئی ریلوے لائن موجودہ سریاگاش-تاشقند سیکشن سے مال برداری کی ترسیل کو نئی شاخ کی طرف منتقل کرنے میں معاون ہوگی، سریاگاش اسٹیشن پر دباؤ کم کرے گی، اور ازبکستان کی برآمدات میں اضافہ کرے گی۔
اس مقصد کیلئے، سامروک-کازینا کی پورٹ فولیو کمپنی، قازقستان ریلوے، 286 ارب ٹینگے (545.8 ملین امریکی ڈالر) کے منصوبے پر کام کر رہی ہے۔ اب تک 203 کلومیٹر کے ٹریک میں سے تقریبا 100 کلومیٹر بچھایا جا چکا ہے۔ اطلاعات کے مطابق، منصوبے کی تکمیل کے لیے 46 یونٹس روڈ، تعمیراتی سامان اور 70 سے زائد افراد کو شامل کیا گیا ہے۔
کمپنی نے مزید کہا کہ، نئی دربازہ-مکتاارال لائن، قازقستان کے دور دراز مکتاارال اور زھیتسے اضلاع کو ملک کے باقی حصے سے بھی جوڑے گی۔
یہ ریلوے منصوبہ نومبر 2023 کے آخر میں شروع کیا گیا تھا، جس وقت بتایا گیا تھا کہ، دربازہ-مکتاارال ریلوے لائن کی لمبائی 152 کلومیٹر ہوگی۔
قازقستان حکومت کے مطابق، یہ بڑا انفراسٹرکچر منصوبہ صدر قاسم جومارت توکائیف کی ہدایات پر عمل میں لایا جا رہا ہے، جس کا مقصد ملک کی ٹرانسپورٹ اور ٹرانزٹ کی صلاحیت کو مزید فروغ دینا ہے۔ منصوبے کے تحت قازق-ازبک سرحد پر ایک نیا چیک پوائنٹ بھی قائم کیا جائے گا۔
یہ منصوبہ دو مراحل میں تقسیم ہے، پہلا مرحلہ ایرڈاؤٹ-مکتاارال لائن کی تعمیر اور اسے سیر دریا اسٹیشن تک پہنچانا جبکہ دوسرا مرحلہ زھیتسے-ازبکستان سرحدی ریلوے لائن کی تکمیل اور سیر دریا اسٹیشن تک توسیع ہے۔
یہ ریلوے منصوبہ خطے میں اقتصادی ترقی اور تجارتی مواقع کو فروغ دینے میں کلیدی کردار ادا کرے گا۔
