امیر جماعت اسلامی حافظ نعیم الرحمان نے حماس سربراہ احمد درویش اور خالد مشعل سے ملاقات کر کے غزہ کی تعمیر نو میں کردا ادا کرنے کی یقین دہانی کروائی ۔
جماعت اسلامی پاکستان کی طرف سے جاری کئے گئے اعلامیہ کے مطابق حافظ نعیم الرحمان نے قطری دارالحکومت دوحہ میں حماس قیادت سے ملاقات کی۔
حافظ نعیم الرحمان نے سربراہ حماس حسن درویش اورسابق سربراہ خالد مشعل سے ملاقات کر کے 15 ماہ ثابت قدمی سے اسرائیل کے خلاف مزاحمت پر اہل غزہ اور حماس کو خراج تحسین پیش کیا ۔
انہوں نے کہا کہ پندرہ ماہ بعد جنگ بندی معاہدہ حماس کی فتح ہے، اسرائیل جنگی اہداف حاصل کرنے میں ناکام رہا اور پاکستانی عوام غزہ کی تعمیرنو میں اپنا کردار ادا کریں گے ۔
امیرجماعت اسلامی کا کہنا تھا کہ ہم اس موقع پر اہل پاکستان کی جانب سے اظہار یکجہتی کیلئے حاضر ہوئے ہیں۔
حماس کے سربراہ حسن درویش کا کہنا تھا ، اہل فلسطین کی جانب سے پاکستانی عوام اور جماعت اسلامی کا شکریہ ادا کرتے ہیں، پاکستان نے امت کے مسائل کے حل کیلئے قائدانہ کردارادا کیا ۔ حسن درویش کا کہنا تھا ، غزہ کی بحالی اور تعمیر نو میں پاکستانی حکومت اور عوام سے بھرپور تعاون کی امید ر کھتے ہیں۔
