ازبکستان کے شہر اندیجان میں 21 اور 22 اگست کو ترک دنیا کے ادیبوں اور تخلیق کاروں کا اہم اجتماع منعقد ہو رہا ہے، جس کا اہتمام بین الاقوامی تنظیم برائے ترک ثقافت، ترک سوئے کے زیرِ اہتمام کیا جا رہا ہے۔
ان تقریبات کے سلسلے میں ترک سوئے رائٹرز یونین کے وفد اندیجان پہنچ گئے ہیں، جہاں ریلوے اسٹیشن پر ان کا پرتپاک استقبال کیا گیا۔
اس موقع پر سالِ ضیا گوک الپ کے عنوان سے ایک بین الاقوامی تخلیقی اجتماع بھی منعقد ہوگا۔ تقریبات کا مشترکہ انعقاد ترک سوئے، ازبکستان کی وزارتِ ثقافت، رائٹرز یونین آف ازبکستان اور اندیجان ریجن کی انتظامیہ کر رہی ہے۔
اجلاس میں ازبکستان، ترکیہ، آذربائیجان، قازقستان اور کرغزستان کی رائٹرز یونینز کے سربراہان اور نائب سربراہان کے علاوہ معروف ادیب، شاعر، محققین اور علمی شخصیات شرکت کریں گی۔
دو روز تک اندیجان ادب، شاعری اور فنونِ لطیفہ کے تبادلے کا مرکز بنا رہے گا، جہاں ترک اقوام کے مشترکہ ادبی ورثے، روحانی روایات اور تخلیقی روابط کو مزید مضبوط بنانے پر توجہ دی جائے گی۔
یہ اجتماع ترک دنیا کے مختلف ممالک کے ادیبوں اور فنکاروں کو ایک مشترکہ پلیٹ فارم فراہم کرنے کے ساتھ ساتھ ان کے درمیان ادبی و ثقافتی تعاون کے فروغ میں بھی اہم کردار ادا کرے گا۔
