برطانیہ میں بھارت کے ہائی کمشنر وکرم دور سوامی نے دعویٰ کیا ہے کہ پاکستان اپنی سرزمین پر دہائیوں سے دہشتگردی قائم کیے ہوئے ہے۔
انہوں نے کہا کہ بھارت نے پچھلے ماہ پہلگام میں بھارتی سیاحوں پر ہونے والے حملے کے جواب میں صرف ایک "دہشتگرد” اڈے کو نشانہ بنایا تھا۔ ان کے مطابق یہ کارروائی دفاعی نوعیت کی تھی۔
اس سے قبل پاکستان کے وفاقی وزیر اطلاعات عطا اللہ تارڑ نے بیان دیا تھا کہ بھارت اس کشیدگی میں پہل کرنے والا فریق ہے، اور پاکستان کو اس کا جواب دینے کا حق حاصل ہے۔
وکرم دور سوامی نے عطا تارڑ کے بیان کو "جھوٹ” قرار دیتے ہوئے کہا: "یہ سب کچھ کھلی آنکھوں سے دیکھا جا سکتا ہے۔ آپ خود سوچیں کہ اسامہ بن لادن کہاں چھپا ہوا تھا؟”
