ازبکستان کے صدر اور مسلح افواج کے سپریم کمانڈر انچیف شوکت میرزایوف نے سوموار کے روز ملکی دفاعی صلاحیتوں کے حوالے سے منعقدہ اہم ترین اجلاس کی صدارت کی ہے ۔
ذرائع کے مطابق اجلاس کے دوران وزیر دفاع نے فوج کی جنگی تیاری اور صلاحیتوں کو بڑھانے ، فوجی یونٹس اور فارمیشنز کی تیاریوں اور انہیں جدید ہتھیاروں اور فوجی ساز و سامان سےلیس کرنے سمیت دفاعی صنعت کی سرگرمیوں کو بہتر بنانے کے حوالے سے بریفنگ دی ۔
صدر مملکت شوکت میرزایوف نے فوجی کی جنگی صلاحیتوں اور اس کے عملے کی اخلاقی و روحانی تربیت کےساتھ ہتھیاروں اور فوجی سازو سامان کو جدید بنانے سمیت دفاعی صنعت کے اداروں کی ترقی کے عمل کو جاری رکھنے کی اہمیت پر زور دیا ہے ۔
انہوں نے جنگی اور عملی تربیتی اقدامات میں تیزی لانے ، فوجی افسران اور انجینئرنگ و تکنیکی عملے کی پیشہ وارانہ تربیت کے نظام کو بھی بہتر بنانے کی ضرورت پر زور دیا ۔ اجلاس کے اختتام پر صدر مملکت نے مسلح افواج کی ترقی ، ملکی دفاعی صلاحیتوں کو مستحکم کرنے کے حوالے سے اہم ہدایات جاری کیں ۔
