بالی ووڈ کے معروف اداکار رنبیر کپور اور جنوبی بھارتی سنیما کے سپر اسٹار یش کی آنے والی فلم ’رامائن‘ ریلیز سے قبل ہی فلمی حلقوں میں توجہ کا مرکز بن گئی ہے۔
بھارتی میڈیا رپورٹس کے مطابق فلم کی پیشگی ٹکٹ بکنگ تقریباً 9 کروڑ 91 لاکھ بھارتی روپے تک پہنچ گئی ہے، جسے فلم کے ابتدائی کاروبار کے لیے ایک مثبت اشارہ قرار دیا جا رہا ہے۔
ہدایت کار نتیش تیواری کی اس بڑے بجٹ کی فلم میں رنبیر کپور بھگوان رام، یش راون، سائی پلوی سیتا اور سنی دیول ہنومان کا کردار ادا کر رہے ہیں۔
رپورٹس کے مطابق فلم کے ہندی ورژن کی پیشگی بکنگ سے تقریباً 8 کروڑ 72 لاکھ روپے حاصل ہوئے، جبکہ کنڑ اور تیلگو زبانوں میں بھی شائقین کی دلچسپی سامنے آئی ہے۔
فلم کا پہلا حصہ 5 نومبر 2026 کو سینما گھروں میں ریلیز کرنے کا منصوبہ ہے، جبکہ دوسرا حصہ 2027 میں پیش کیا جائے گا۔
فلمی تجزیہ کاروں کا کہنا ہے کہ بڑے بجٹ، معروف اداکاروں اور غیر معمولی تشہیری مہم کے باعث ’رامائن‘ سے باکس آفس پر بڑی توقعات وابستہ ہیں۔ تاہم فلم کی اصل کامیابی کا فیصلہ ریلیز کے بعد شائقین کا ردعمل کرے گا۔
رنبیر کپور اور یش کی فلم ’رامائن‘ کا ریلیز سے پہلے ہی چرچا! بھارتی میڈیا کے مطابق پیشگی ٹکٹ بکنگ تقریباً 10 کروڑ روپے تک پہنچ گئی۔ کیا یہ فلم باکس آفس پر نیا ریکارڈ قائم کر سکے گی؟
