ماہرین صحت کے مطابق نوالے کو اچھی طرح چبانے سے ہاضمہ بہتر ہوتا ہے، غذائیت بہتر جذب ہوتی ہے، وزن قابو میں رہتا ہے اور مجموعی صحت پر مثبت اثر پڑتا ہے۔
1. ہاضمے کا پہلا قدم منہ سے شروع ہوتا ہے:
دانت خوراک کو چھوٹے ذرات میں توڑتے ہیں تاکہ معدہ اور آنتوں کو کم محنت کرنا پڑے۔ چبانے سے خوراک لعاب دہن کے ساتھ ملتی ہے، جو ہاضمے کے عمل کو بہتر بناتا ہے۔
2. غذائی اجزاء بہتر جذب ہوتے ہیں:
اچھی طرح چبایا گیا کھانا جسم میں وٹامنز، منرلز اور پروٹینز کو بہتر انداز میں جذب کرنے میں مدد دیتا ہے۔ بڑے ٹکڑے ہضم ہونے میں وقت لیتے ہیں اور غذائیت ضائع ہونے کا خدشہ ہوتا ہے۔
3. وزن میں کنٹرول رہتا ہے:
آہستہ کھانے سے دماغ کو وقت ملتا ہے کہ وہ پیٹ بھرنے کا سگنل دے۔ جلدی کھانے سے انسان زیادہ کھا لیتا ہے، جو وزن بڑھنے کا باعث بنتا ہے۔
4. گیس، تیزابیت اور بدہضمی سے بچاؤ:
اچھی طرح چبایا گیا کھانا معدے اور آنتوں میں آسانی سے ٹوٹتا ہے، جس سے ہاضمے کے مسائل جیسے گیس، قبض اور سینے کی جلن کم ہوتی ہے۔
5. دانتوں اور مسوڑھوں کی مضبوطی:
چبانے سے منہ میں لعاب زیادہ بنتا ہے جو جراثیم کا مقابلہ کرتا ہے۔ سخت خوراک کو چبانے سے جبڑے اور مسوڑھے بھی مضبوط ہوتے ہیں۔
6. ذہنی سکون اور تناؤ میں کمی:
آہستہ چبانے سے نروس سسٹم پرسکون رہتا ہے۔ جو لوگ کھانے پر توجہ دے کر چباتے ہیں، ان میں ذہنی دباؤ کم اور اطمینان زیادہ ہوتا ہے۔
