بھارت کے ممتاز سٹینڈ اپ کامیڈین ذاکر خان نے کچھ عرصہ کے لئے ہر قسم کے سٹیج شوز سے وقفہ لینے کا اعلان کیا ہے۔
ذاکر خان کے مطابق وہ اپنی بگڑتی صحت کے خدشات کے باعث اسٹیج شوز سے کچھ وقت کے لیے وقفہ لے رہے ہیں۔
کامیڈین کے مطابق وہ گزشتہ ایک برس سے صحت میں تبدیلی محسوس کر رہے تھے تاہم کچھ مجبوریوں کی وجہ سے کام جاری رکھے ہوئے تھے۔
ذاکر خان نےیہ اعلان اپنی انسٹا گرام پر کیا۔ وہ کہتے ہیں کہ خاصے عرصے سے وہ صبح سے رات تک کام میں مصروف رہنے کی وجہ سے اپنا خیال نہیں رکھ پائے اور کئی طبی مسائل کا شکار ہوگئے ہیں۔ اس لئے اب سٹیج شوز سے بریک لے رہا ہوں۔
یاد رہے کہ ذاکر خان نے لندن اور نیویارک کے بہت بڑے سٹیج شوز میں پرفارم کر کے ایک ریکارڈ بنا رکھا ہے جو کہ وہ پرائم ویڈیو ایمزون پر بھی پرفارم کر چکے ہیں۔
