دنیا بھر میں 15 ستمبر کو 18واں عالمی دنِ جمہوریت منایا گیا۔ اس موقع پر اقوام متحدہ نے اس سال کا تھیم “آواز سے عمل کی جانب” رکھا، جس کا مقصد لوگوں کی رائے کو سننا اور اس پر عمل درآمد کرنا ہے تاکہ جمہوری عمل مزید مضبوط ہو سکے۔
اقوام متحدہ کے سیکریٹری جنرل انتونیو گوتریس نے عالمی دنِ جمہوریت کے موقع پر کہا کہ آج کے دور میں جمہوریت کو غلط معلومات، سماجی تقسیم اور شہری آزادیوں کی کمی جیسے چیلنجز کا سامنا ہے۔ ایسے میں عوام کی شرکت، اعتماد اور گفت و شنید کی اہمیت بہت زیادہ بڑھ گئی ہے۔ انہوں نے کہا کہ دنیا بھر کے لوگ اپنی طاقت اور ہمت سے اپنی معاشرتی بہتری کے لیے کام کر رہے ہیں۔
اقوام متحدہ کے جمہوریت فنڈ (UNDEF) نے پچھلے 20 سالوں میں دنیا بھر میں ہزاروں ایسے منصوبے شروع کیے ہیں جو جمہوریت کو فروغ دیتے ہیں۔ ان منصوبوں کے ذریعے خواتین، نوجوان، اقلیتیں اور کمزور طبقے اپنی آواز بلند کر سکے ہیں۔ UNDEF نے مختلف ممالک میں شفاف حکمرانی، انسانی حقوق کی پاسداری، اور عوامی شرکت کو بڑھانے کے لیے کام کیا ہے۔
جمہوریت صرف حکومت چلانے کا طریقہ نہیں بلکہ ایک ایسا عمل ہے جس میں ہر شہری کی شرکت ضروری ہے، عالمی دنِ جمہوریت ہمیں یاد دلاتا ہے کہ جمہوریت عوام کی طاقت ہے اور اسے مضبوط کرنے کے لیے ہر فرد، حکومت اور تنظیم کو مل کر کام کرنا ہوگا تاکہ سب کے حقوق کا تحفظ ہو اور ایک بہتر، پرامن معاشرہ قائم کیا جا سکے۔
یہ دن ہمیں یاد دلاتا ہے کہ جمہوریت عوام کی طاقت ہے اور اسے مضبوط بنانے کے لیے ہر فرد، تنظیم اور حکومت کو مل کر کام کرنا ہوگا تاکہ سب کے حقوق کا تحفظ ہو سکے اور ایک بہتر معاشرہ قائم کیا جا سکے.
