بنگلہ دیش کے سابق ایک روزہ بین الاقوامی (ODI) کرکٹ کپتان تمیم اقبال کو پیر کے روز ڈھاکا پریمیئر لیگ (DPL) کے ایک مقامی میچ کے دوران دل کا دورہ پڑنے پر اسپتال منتقل کر دیا گیا۔
36 سالہ تمیم محمدن اسپورٹنگ کلب کی قیادت کر رہے تھے جب انہیں سینے میں شدید درد کی شکایت ہوئی۔ ٹاس میں شرکت کے بعد وہ میدان میں ہی گر گئے، جس کے بعد فوری طور پر انہیں ابتدائی طبی امداد دی گئی اور پھر قریبی اسپتال لے جایا گیا۔
بنگلہ دیش کرکٹ بورڈ (BCB) کے میڈیکل آفیسر ڈیباشس چودھری نے اے ایف پی کو بتایا کہ انہیں دل کا دورہ پڑا تھا، لیکن اب ان کا دل معمول کے مطابق کام کر رہا ہے۔
محمدن اسپورٹنگ کلب کے ٹیم آفیسر طارق الاسلام نے تصدیق کی کہ تمیم کو ڈھاکا کے مضافاتی علاقے ساور کے ایک ہسپتال میں علاج کروایا جا رہا ہے اور انہوں نے عوام سے تمیم کی صحت یابی کے لیے دعاؤں کی اپیل کی۔
تمیم کے اچانک بیمار پڑنے کے بعد BCB نے اپنی شیڈولڈ بورڈ میٹنگ منسوخ کر دی، جبکہ بورڈ کے متعدد اراکین ان کی عیادت کے لیے اسپتال پہنچ گئے۔
تمیم اقبال نے 2007 سے 2023 تک بنگلہ دیش کی نمائندگی کرتے ہوئے 391 بین الاقوامی میچزکھیلے اور ملک کے لیے کئی یادگار اننگز کھیلیں۔ ان کے مداحوں اور کرکٹ کمیونٹی نے ان کی جلد صحت یابی کی خواہش کا اظہار کیا ہے۔بنگلہ دیش کے سابق ایک روزہ بین الاقوامی (ODI) کرکٹ کپتان تمیم اقبال کو پیر کے روز ڈھاکا پریمیئر لیگ (DPL) کے ایک مقامی میچ کے دوران دل کا دورہ پڑنے پر اسپتال منتقل کر دیا گیا۔
36 سالہ تمیم محمدن اسپورٹنگ کلب کی قیادت کر رہے تھے جب انہیں سینے میں شدید درد کی شکایت ہوئی۔ ٹاس میں شرکت کے بعد وہ میدان میں ہی گر گئے، جس کے بعد فوری طور پر انہیں ابتدائی طبی امداد دی گئی اور پھر قریبی اسپتال لے جایا گیا۔
بنگلہ دیش کرکٹ بورڈ (BCB) کے میڈیکل آفیسر ڈیباشس چودھری نے اے ایف پی کو بتایا کہ انہیں دل کا دورہ پڑا تھا، لیکن اب ان کا دل معمول کے مطابق کام کر رہا ہے۔
محمدن اسپورٹنگ کلب کے ٹیم آفیسر طارق الاسلام نے تصدیق کی کہ تمیم کو ڈھاکا کے مضافاتی علاقے ساور کے ایک ہسپتال میں علاج کروایا جا رہا ہے اور انہوں نے عوام سے تمیم کی صحت یابی کے لیے دعاؤں کی اپیل کی۔
تمیم کے اچانک بیمار پڑنے کے بعد BCB نے اپنی شیڈولڈ بورڈ میٹنگ منسوخ کر دی، جبکہ بورڈ کے متعدد اراکین ان کی عیادت کے لیے اسپتال پہنچ گئے۔
تمیم اقبال نے 2007 سے 2023 تک بنگلہ دیش کی نمائندگی کرتے ہوئے 391 بین الاقوامی میچزکھیلے اور ملک کے لیے کئی یادگار اننگز کھیلیں۔ ان کے مداحوں اور کرکٹ کمیونٹی نے ان کی جلد صحت یابی کی خواہش کا اظہار کیا ہے۔
