امریکا کے شہروں فلاڈیلفیا اور نیویارک میں ازبک سینیٹر اور سیاسی تجزیہ کار قدرت اللہ رفیقوف کی کتاب ملت شَوکت کی تقریبِ رونمائی منعقد ہوئی۔
کتاب میں ازبکستان میں رونما ہونے والی تبدیلیوں کا جائزہ محض معاشی اور سیاسی تناظر میں نہیں بلکہ معاشرے کی سوچ اور اجتماعی شعور میں آنے والی گہری تبدیلی کے حوالے سے بھی لیا گیا ہے۔
تقاریب میں ازبکستان کی اولی مجلس کے سینیٹ کے ارکان عبدالسعید کوچیموف اور حسین ارماتوف کے علاوہ امریکا میں مقیم ازبک شہریوں، طلبہ اور مختلف شعبوں سے تعلق رکھنے والے افراد نے شرکت کی۔
مقررین نے کہا کہ کتاب کا بنیادی موضوع گزشتہ ایک دہائی کے دوران صدر شوکت مرزائیوف کی قیادت میں ازبکستان میں ہونے والی وسیع پیمانے کی اصلاحات کی اہمیت کو اجاگر کرنا ہے۔
تقریب میں اس امر پر بھی روشنی ڈالی گئی کہ ریاستی قیادت کی پالیسیوں کے نتیجے میں گزشتہ برسوں کے دوران مختلف شعبوں میں نمایاں پیش رفت ہوئی، جس کے اثرات عام شہریوں کی زندگیوں پر بھی مرتب ہوئے ہیں۔
