ازبکستان میں قدرتی گیس کے شعبے کو شدید دباؤ کا سامنا ہے، جہاں 2026 کے ابتدائی مہینوں کے دوران گیس کی پیداوار میں تقریباً 15 فیصد کمی ریکارڈ کی گئی ہے۔ پیداوار میں کمی کے بعد حکومت کو توانائی ضروریات پوری کرنے کیلئے گیس درآمدات میں نمایاں اضافہ کرنا پڑا ہے۔
ماہرین کے مطابق ملک میں پرانا توانائی انفراسٹرکچر، تیزی سے بڑھتی صنعتی و گھریلو طلب اور گیس ذخائر میں کمی اس بحران کی بڑی وجوہات بن رہی ہیں۔ سرد موسم اور بجلی کی بڑھتی ہوئی ضروریات نے بھی صورتحال کو مزید پیچیدہ کر دیا ہے۔
حکام کا کہنا ہے کہ توانائی بحران پر قابو پانے کیلئے مختلف منصوبوں پر کام جاری ہے، جن میں بیرون ملک سے گیس درآمدات، نئے گیس فیلڈز کی تلاش اور توانائی نظام کی جدید خطوط پر بحالی شامل ہے۔
معاشی ماہرین کے مطابق اگر توانائی شعبے میں فوری اصلاحات نہ کی گئیں تو مستقبل میں ازبکستان کو مزید توانائی دباؤ اور صنعتی مشکلات کا سامنا کرنا پڑ سکتا ہے۔
