ازبکستان کے 17 سالہ ابھرتے ہوئے شطرنج کھلاڑی مخاممدزوخید سویاروف نے عالمی سطح پر اپنی مہارت کا لوہا منواتے ہوئے جرمنی کے شہر کارلسروہے میں منعقد ہونے والے گرینکے شطرنج اوپن 2026 میں پہلی پوزیشن حاصل کی۔
اس بڑے ٹورنامنٹ میں دنیا بھر سے 3500 سے زائد کھلاڑیوں نے حصہ لیا، جن میں کئی تجربہ کار گرینڈ ماسٹرز بھی شامل تھے۔ سویاروف نے اے سیکشن میں کلاسیکل ٹائم کنٹرول کے تحت شاندار کھیل پیش کیا اور نو راؤنڈز کے مقابلے میں ایک بھی بازی نہیں ہاری۔
انہوں نے 9 میں سے 8 پوائنٹس حاصل کیے اور ٹائی بریک کے ذریعے پہلی پوزیشن کے حق دار قرار پائے۔ انعامی رقم کے طور پر 20 ہزار یورو بھی اپنے نام کی۔
اسی ایونٹ کے فری اسٹائل (Chess960) مقابلوں میں بھی ازبکستان کے کئی کھلاڑیوں نے حصہ لے کر نمایاں پوزیشنیں حاصل کیں۔
سویاروف کی یہ کامیابی نہ صرف ان کے ذاتی کیریئر کے لیے اہم سنگِ میل ہے بلکہ ازبکستان میں شطرنج کے بڑھتے ہوئے معیار اور نوجوان کھلاڑیوں کی صلاحیتوں کی بھی عکاسی کرتی ہے۔
حالیہ برسوں میں ازبکستان نے عالمی شطرنج میں مضبوط موجودگی قائم کی ہے، اور ایسے نوجوان کھلاڑی مستقبل میں ملک کے لیے نمایاں مقام یقینی بنانے کی صلاحیت رکھتے ہیں۔
