موسمی تبدیلیوں اور موسم کی شدت کا سب سے پہلا اثر عموماً نظامِ ہاضمہ پر ہی پڑتا ہے۔ موسمِ گرما کی آمد کے ساتھ، درجہ حرارت میں تبدیلی نظامِ ہاضمہ کو متاثر کرتی ہے۔ جیسے بہار کے موسم میں الرجی کی علامات شدت اختیار کر جاتی ہیں، ویسے ہی موسم کی تبدیلیوں کے دوران نظامِ ہاضمہ سب سے پہلے متاثر ہوتا ہے، خاص طور پر جب ہم گرمیوں کے موسم میں داخل ہو رہے ہوں۔”
Economic Times کی رپورٹ کے مطابق، درج ذیل غذائیں آنتوں کی صحت اور ہاضمے کو بہتر بنانے میں مددگار ثابت ہوتی ہیں۔”
1- تربوز
تربوز پانی اور ریشوں سے بھرپور ہوتا ہے، جس کے باعث اس کا استعمال جسم میں نمی برقرار رکھنے میں مدد دیتا ہے اور ہاضمہ کو آسان بناتا ہے۔اس میں پانی کی مقدار زیادہ ہونے کی وجہ سے ہاضمہ کے عمل کو سہولت ملتی ہے اور قبض کی شکایت سے بچاؤ ممکن ہوتا ہے۔
2- دہی
دہی قدرتی طور پر پروبائیوٹکس کا بہترین ذریعہ سمجھا جاتا ہے، جو آنتوں میں صحت مند بیکٹیریا کو غذا فراہم کرتا ہے۔زیادہ سے زیادہ فائدہ اٹھانے کے لیے غیر میٹھے اور زندہ بیکٹیریا والی دہی کا استعمال کرنا چاہیے۔
3- کھیرہ
کھیرے میں ریشے اور پانی کی زیادہ مقدار پائی جاتی ہے، جو جسم سے زہریلے مادے خارج کرنے اور آنتوں کی باقاعدہ حرکت کو فروغ دینے میں مدد دیتی ہے۔
4- انناس
انناس برومیلین سے بھرپور ہوتا ہے، جو ایک ایسا انزائم ہے جو پروٹینز کو توڑنے میں مدد دیتا ہے۔انناس پیٹ کی سوجن کو کم کرنے اور نظامِ ہاضمہ کے انزائمز کی فعالیت کو بڑھانے میں معاون ثابت ہوتا ہے۔
5- پودینہ
پودینہ عموماً موسم گرماکے مشروبات اور کھانوں میں استعمال ہوتا ہے، اور اس میں قدرتی طور پر ایسی خصوصیات پائی جاتی ہیں، جو معدے کی بے چینی کو آرام دیتی اور ہاضمے میں مدد کرتی ہیں۔
6- توت
توت ریشوں اور اینٹی آکسیڈینٹس سے بھرپور ہوتا ہے۔یہ آنتوں میں موجود مفید بیکٹیریا کو غذائیت فراہم کرتا ہے اور مجموعی طور پر نظامِ ہاضمہ کی صحت کو بہتر بناتا ہے۔اور ساتھ ہی یہ گرمیوں کے لیے ایک میٹھی اور کم کیلوری والی ہلکی پھلکی غذا بھی ہے۔
7- خمیر شدہ غذائیں
خمیر شدہ غذائیں زندہ بیکٹیریا پر مشتمل ہوتی ہیں جو آنتوں کے مائکرو بایوم کو غذائیت فراہم کرتی ہیں۔ان میں سے ایک چمچ کے برابرسلاد یا سینڈوچ میں شامل کیا جا سکتا ہے تاکہ ہاضمہ کی بہتری کے لیے ایک خوش ذائقہ کھٹاس پیدا ہو۔
8- پپیتا
پپیتا میں پاپین نامی انزائم پایا جاتا ہے جو پروٹینز کو توڑنے اور ہاضمہ کو آسان بنانے میں مدد دیتا ہے۔یہ معدے کو سکون پہنچانے اور پیٹ کی سوجن کو کم کرنے میں بھی مؤثر پھل ہے۔
