جاپان کا چوبو سینٹریر انٹرنیشنل ایئرپورٹ، جو ناگویا شہر کے قریب واقع ہے، دنیا بھر میں اپنی مثالی کارکردگی کے لیے مشہور ہے، جہاں گزشتہ 30 سالوں میں ایک بھی مسافر کا سامان گم نہیں ہوا۔
اس ایئرپورٹ کی کامیابی کی چند بنیادی وجوہات میں جدید ترین اسکیننگ اور ٹیگنگ سسٹم، مکمل خودکار بیگیج ہینڈلنگ نظام، اور جاپانی عملے کی غیر معمولی پیشہ ورانہ مہارت شامل ہیں۔ یہ ایئرپورٹ بڑے ہبز کی طرح زیادہ مصروف نہ ہونے کی وجہ سے بھی مسافروں کے سامان کی دیکھ بھال کو بہتر طریقے سے یقینی بناتا ہے۔
چوبو سینٹریر ایئرپورٹ کو Skytrax سمیت کئی بین الاقوامی اداروں نے دنیا کے سب سے صاف، وقت کی پابندی کرنے والے اور محفوظ ایئرپورٹس میں شمار کیا ہے۔
