چین کے صدر شی جن پنگ نے کہا ہے کہ چین اور امریکہ کے درمیان تعلقات دنیا کے سب سے اہم دو طرفہ تعلقات ہیں اور دونوں ممالک کو انہیں درست سمت میں لے کر جانا چاہیے۔
انھوں نے یہ بات امریکی صدر ڈونلڈ ٹرمپ کے ساتھ ملاقات کے بعد کہی، جس میں عالمی اور علاقائی صورتحال پر تفصیلی تبادلہ خیال کیا گیا۔
چینی صدر کے مطابق دونوں رہنما ایک دوسرے کی توقعات سے آگاہ ہیں اور اب تک ہونے والی ملاقاتوں اور ٹیلی فونک رابطوں نے چین اور امریکہ کے تعلقات کو مجموعی طور پر مستحکم رکھنے میں مدد دی ہے۔
شی جن پنگ نے کہا کہ دونوں ممالک اس بات پر متفق ہیں کہ چین اور امریکہ کے تعلقات کو بگاڑنے کے بجائے بہتر بنایا جانا چاہیے۔
انھوں نے کہا کہ ہم دونوں سمجھتے ہیں کہ چین اور امریکہ کے تعلقات دنیا کے سب سے اہم دو طرفہ تعلقات ہیں۔ ہمیں انہیں کامیاب بنانا چاہیے اور کبھی خراب نہیں کرنا چاہیے۔
ان کے مطابق حالیہ ملاقات میں دونوں رہنماؤں نے چین امریکہ تعلقات کے ساتھ ساتھ بین الاقوامی اور علاقائی امور پر بھی تفصیلی گفتگو کی۔
