کسٹمز کمیٹی نے منگل کے روز اعلان کرتے ہوئے بتایا ہے کہ وزراء کی کابینہ نے جمعہ کے روز ہونے والے ایک اجلاس میں قرارداد جاری کی ہے جس میں نئی کسٹم ڈیوٹی شرح کی منظوری دی گئی ہے ۔
ذرائع کے مطابق یہ قرارداد ازبکستان کے عالمی تجارتی تنظیم (WTO) میں شمولیت کے حوالے سےعمل میں لائی گئی ہے ، جس کے باعث کسٹم ڈیوٹی کی شرح میں رد و بدل لایا گیا ہے ۔
ذرائع کے مطابق مال کی کسٹم کلیئرنس کیلئے فیس کی مقدار ان اخراجات کی تخمینی لاگت پر مبنی ہو گی جو کسٹم حکام کی کارروائیوں سے متعلق ہے ۔ اس کےعلاقہ برآمدات اور درآمدات کسٹم طریقوں میں اشیاء کی کلیئرنس کیلئے وصول کی جانے والی فیس کی شرح کو بھی ہم آہنگ کر دیا گیا ہے ۔
کسٹم حکام کے مطابق کاروباری اوقات کے بعد کلیئرنس کے لیے کسٹم ڈیوٹی کی مقدار 8 گنا کم کر دی گئی ہے، جو کہ 2 بنیادی حسابی اکائیوں (750 ہزار سوم) سے کم ہو کر BCA کا 25فیصد (93.75 ہزار سوم) ہو گئی ہے۔کسٹم پراسیسنگ طریقہ کار کے تحت کسٹم علاقے کے اندر اور باہر وصول کی جانے والی فیس کی شرح کو نصف کر دیا گیا ہے۔پیشگی اعلامیہ داخل کرنے پر 20فیصد رعایت دی جائے گی۔کسٹم ٹرانزٹ طریقہ کار کے لیے، 25فیصد بنیادی حسابی اکائی) فیس لاگو ہوگی۔
بین الاقوامی پارسلز کے لیے، 1 کلوگرام مال پر BCU کا 2فیصد (7,500 سوم) فیس متعارف کرائی گئی ہے۔ یاد رہے کہ فی الحال افراد کے لیے پارسلز کی ڈیوٹی فری درآمد کی حد ایک سہ ماہی میں 1,000 امریکی ڈالر مقرر ہے۔
