وزیر اعلیٰ پنجاب مریم نواز کی سربراہی میں ملکی تاریخ کا پہلا “پنجاب دھی رانی پروگرام” کا باضابطہ آغاز ہو گیا ۔ لاہور کے مقامی شادی ہال میں پانچ کرسچن سمیت 51 جوڑے شادی کے بندھن میں بندھ گئے ۔
وزیر اعلیٰ پنجاب مریم نواز نے اجتماعی شادیوں کی تقریب میں شرکت کی اور نوبیاہتا جوڑوں کو مبارکباد اور دعائیں دیں۔ حکومت پنجاب کی طرف سے نوبیاہتا جوڑوں کو میٹرس ، کھانے پکانے کا سامان ، ڈنر سیٹ سمیت ضروریات زندگی کا دیگر سامان اور تحائف دئیے گئے ۔ وزیر اعلیٰ پنجاب مریم نواز نے پنجاب دھی رانی پروگرام کے تحت جوڑوں کیلئے سلامی کارڈ کی لانچنگ بھی کی اور ہر دلہن کو سلامی کارڈ دیا ۔ جس سے دلہنوں کو ایک لاکھ روپے سلامی حاصل کر سکیں گی۔
اجتماعی شادیوں کی تقریب میں شرکت کرنے والوں کو محکمہ سوشل ویلفیئر کی جانب سے ظہرانہ دیا گیا ۔ وزیر اعلیٰ پنجاب مریم نواز کا کہنا تھا شادی بچوں اور والدین کیلئے جذباتی لمحہ ہوتا ہے ۔ میں خود بھی ماں ہوں ، مجھے بھی خوشی ہے ۔
