اہان پانڈے اور انیت پڈا کی فلم سَیّارہ نے ریلیز کے صرف پانچ دنوں میں نہ صرف بھارت میں 132.25 کروڑ کما لیے، بلکہ عالمی سطح پر اس کی مجموعی کمائی 151 کروڑ تک پہنچ گئی ہے۔
سَیّارہ نے سلمان خان کی عید رپر یلیز ہونے والی فلم سکندر (110.1 کروڑ) اور اکشے کمار اور ویر پہاڑیا کی اسکائی فورس (112.75 کروڑ) کو بھی پیچھے چھوڑ دیا ہے۔
فلم نے پیر کے روز (Day 5)25کروڑ کا بزنس کیا، جو معمولی کمی کے باوجود اب بھی مضبوط ٹرینڈ ظاہر کرتا ہے۔
فلم نے ابتدائی دنوں میں کتنی کمائی کی؟
سیارہ نے اپنے پہلے دن 21.5کروڑ کی کمائی کی، دوسرے دن24.5کروڑ، تیسرے دن 35.75کروڑ، چوتھےدن 25.5کروڑ جبکہ پانچویں دن بھی فلم کی کمائی پہلے دن کی کمائی سے زیادہ ریکارڈ ہوئی۔ فلم نے ریلیز کے پانچویں دن پورے 25 کروڑ کمائے۔
سَیّارہ نے کن فلموں کو پیچھے چھوڑا؟
سیارہ نے باکس آفس کلیکشن کی دوڑ میں اب تک ادتیا کپور اور شردھا کپور کے عاشقی 2، سلمان خان کے سکندر اور اکشے کمار کی دو فلموں سکائی فورس اور کیسری چیپٹر 2کو پیچھے چھوڑ دیا ہے۔
فلم نے آسٹریلیا، برطانیہ، شمالی امریکہ اور مڈل ایسٹ میں بھی زبردست بزنس کیا ہے، جب کہ دہلی این سی آر اور ممبئی میں سب سے زیادہ تھیٹر شو اور شائقین کی آمد دیکھی گئی۔
فلم کی غیر معمولی کامیابی اور یش راج فلمز کی مارکیٹنگ نے اہان پنڈے کے فلمی کیریئر کو ایک شاندار آغاز فراہم کیا ہے۔
