ازبکستان کی وزارت ماحولیات، ماحولیاتی تحفظ اور موسمیاتی تبدیلی کے مطابق صنعتی فضلے کے انتظام کے لیے ایک اہم منصوبے کی تیاری اور نفاذ کے لیے سعودی عرب کی ویژن انٹرنیشنل انویسٹمنٹ کمپنی (VIIC) اور فرانس کی سوئز انٹرنیشنل (Suez International) کے ساتھ ایک معاہدے پر دستخط کیے گئے ہیں۔
یہ معاہدہ خطرناک صنعتی فضلے کے انتظام کے لیے ایک امید افزا منصوبے کو مشترکہ طور پر تیار کرنے اور اس پر عمل درآمد کرنے کی کوششوں کا خاکہ پیش کرتا ہے۔ اس منصوبے کی مالیت 78 ملین ڈالر ہے اور اسے تین مراحل میں مکمل کیا جائے گا۔
پہلا مرحلہ میں فضلے کو مستحکم کرنے کی سہولیات، لینڈ فلنگ کمپلیکس، اور علاقائی منتقلی اسٹیشنوں کا قیام عمل میں لایا جائے گا۔
دوسرا مرحلے میں ریفیوز ڈیرائیوڈ فیول (RDF) کی پیداوار کے آلات، بھٹیوں، اور ایک تھرمل ٹریٹمنٹ پلانٹ کے لیے پری انجینئرنگ ڈیزائن کی تیاری کے بعد پائلٹ ٹیسٹنگ کی جائے گی۔
یہ منصوبہ خطرناک صنعتی فضلے کو محفوظ طریقے سے ٹھکانے لگانے اور اسے مستحکم کرنے میں مدد کرے گا، جس سے زمین اور زیرِ زمین پانی کی آلودگی کم ہوگی۔
فضلے کو ایندھن میں تبدیل کرنے یا اسے تھرمل ٹریٹمنٹ کے ذریعے ٹھکانے لگانے سے لینڈ فلز کا بوجھ کم ہوگا اور فضا میں نقصان دہ اخراج میں کمی آئے گی۔
فضلے کو توانائی میں تبدیل کرنے سے فوسل فیول پر انحصار کم ہوگا اور گرین ہاؤس گیسوں کے اخراج کو کنٹرول کرنے میں مدد ملے گی۔
