پاکستان کے نائب وزیر اعظم و وزیر خارجہ سینیٹر اسحاق ڈار نے جمعرات کے روز ازبکستان کے وزیر خارجہ، بختیار سعیدوف سے ٹیلیفونک رابطہ کیا، جس میں دو طرفہ تعلقات اور خطے کی صورتحال سمیت باہمی دلچسپی کے مختلف امور پر تبادلہ خیال کیا گیا۔
گفتگو کے دوران دونوں وزرائے خارجہ نے اسلامی تعاون تنظیم (OIC) کے وزرائے خارجہ کونسل کے آئندہ اجلاس کے ایجنڈے پر بھی بات چیت کی، جو 21 تا 22 جولائی استنبول میں منعقد ہونے جا رہا ہے۔
اس موقع پر دونوں رہنماؤں نے اجلاس کے موقع پر بالمشافہ ملاقات پر بھی اتفاق کیا تاکہ باہمی روابط کو مزید مضبوط بنایا جا سکے۔
اس سے قبل اسحاق ڈار نے ترکی کے وزیر خارجہ حاکان فدان سے بھی ٹیلیفونک گفتگو کی، جس میں دونوں رہنماؤں نے اسرائیل کے ایران پر حالیہ حملوں کی شدید مذمت کی اور اسے غیرجواز قرار دیا۔
دونوں رہنماؤں نے خطے میں بڑھتی ہوئی کشیدگی پر تشویش کا اظہار کرتے ہوئے فلسطین کے مسئلے پر پاکستان کے مؤقف کو دہرایا، اور ایک آزاد فلسطینی ریاست کے قیام کی ضرورت پر زور دیا۔
