ازبکستان کے شہر سمرقند میں “پینے کے پانی کی فراہمی اور صفائی کی خدمات کی بہتری” کے عنوان سے بین الاقوامی کانفرنس جاری ہے۔یہ کانفرنس جے ایس سی اُزسووتامینوت کے زیرِ اہتمام ورلڈ بینک اور سوئس حکومت کے تعاون سے منعقد کی جا رہی ہے،جس میں ازبکستان کے پانی کے شعبے کے حکام، بین الاقوامی مالیاتی اداروں کے ماہرین، سرکاری نمائندے اور سرمایہ کار شریک ہیں۔
تقریب میں سمرقند کے قائم مقام حاکم عادیز بوبویف، جے ایس سی اُزسووتامینوت کے چیئرمین احمد سُوونقُلوف،ازبکستان میں سوئس ڈیولپمنٹ کوآپریشن کے ڈپٹی ہیڈ آف مشن اور سربراہ آندرین فنک، اور وسطی ایشیا کے لیے ورلڈ بینک کی ریجنل ڈائریکٹر تاتیانا پروسکوریاکوا نے خطاب کرتے ہوئے کہا کہ پانی کے بنیادی ڈھانچے کی ترقی نہ صرف عوام کی فلاح و بہبود کے لیے ضروری ہے بلکہ ملک کی معاشی استحکام کے لیے بھی بنیادی حیثیت رکھتی ہے۔
کانفرنس کے شرکاء نے موسمیاتی تبدیلی اور صاف پانی کی کمی جیسے عالمی چیلنجز کے پیش نظر جدید ٹیکنالوجیز کے استعمال اور پانی کے وسائل کے مؤثر انتظام کی اہمیت پر زور دیا۔کانفرنس میں ازبکستان کے پانی کے بنیادی ڈھانچے کی موجودہ صورتحال، جاری اصلاحات کی پیشرفت، بین الاقوامی مالیاتی اداروں کے ساتھ تعاون کے منصوبے، جے ایس سی اُزسووتامینوت کی معاشی پائیداری، خدمات کے معیار میں بہتری، ڈیجیٹلائزیشن، عوامی-نجی شراکت داری کے مواقع، اور نئے اقدامات پر تبادلہ خیال کیا جائے گا۔
شرکاء سمرقند کے پانی کی فراہمی کے اداروں اور پانی کے انتظامی مراکز کے کام کا بھی جائزہ لیں گے، جس سے اس شعبے میں ہونے والی ترقی اور چیلنجز کو بہتر طور پر سمجھنے کا موقع ملے گا۔
