ازبکستان نے چین کی کمپنی ‘چائنا انرجی انٹرنیشنل گروپ’ کے ساتھ تین نئے معاہدوں پر دستخط کیے ہیں جن کا مقصد قابلِ تجدید توانائی کے شعبے کی ترقی اور ملک کے توانائی کے بنیادی ڈھانچے کو جدید بنانا ہے۔
یہ معاہدے 24 جولائی کو ‘ونڈ اینڈ سولرشائن فار الیکٹریسٹی ڈسٹری بیوشن پینلز مینوفیکچرنگ ایل ایل سی’ اور ‘چائنا انرجی انٹرنیشنل گروپ’ کے نمائندوں کے درمیان طے پائے۔
ان معاہدوں کے تحت کئی بڑے منصوبے عمل میں لائےجائیں گے۔ خاص طور پر، فریقین نے بخارا کے ضلع پیشکو میں 500 میگاواٹ کے ونڈ پاور پلانٹ کی تعمیر پر تعاون پر اتفاق کیا۔ یہ منصوبہ خطے میں قابلِ تجدید توانائی کا ایک بڑا ذریعہ بنے گا اور لاکھوں گھروں کو بجلی فراہم کرے گا۔
ایک اور معاہدے کے تحت تاشقند میں 100 میگاواٹ کے توانائی ذخیرہ کرنے کے نظام (انرجی سٹوریج سسٹم) کے منصوبے کے لیے مشاورتی معاونت فراہم کی جائے گی، جس سے بجلی کے گرڈ کی پائیداری میں بہتری آئے گی اور قابلِ تجدید توانائی کے استعمال کی افادیت بڑھے گی۔
مزید برآں، فریقین نے ان منصوبوں پر تعمیراتی کام کی انجام دہی کے لیے ایک EPC (انجینئرنگ، خریداری اور تعمیرات) معاہدے پر بھی دستخط کیے۔
