گوگل نے اعلان کیا ہے کہ اس کی جیمینی ایپ کے لیے ایک بڑا یوزر تجربے کی تبدیلی منصوبہ بندی کے تحت ہے اور ساتھ ہی میک او ایس کے لیے ایک نئی ایپ بھی تیار کی جا رہی ہے تاکہ صارفین براوزر کے بغیر براہ راست اپنے کمپیوٹر پر ایپ استعمال کر سکیں۔
کمپنی کے عہدے داروں نے بتایا کہ یہ تبدیلی صارفین کی آراء کو مدنظر رکھتے ہوئے کی جا رہی ہے کیونکہ موجودہ ایپ کچھ معاملات میں سست اور پیچیدہ محسوس ہوتی ہے۔ نئے ورژن میں ایپ کو زیادہ آسان، تیز اور صارف دوست بنایا جائے گا تاکہ فائلوں کا تجزیہ اور مختلف کام آسانی سے کیے جا سکیں۔
میک او ایس کے لیے نئی ایپ کی آمد خاص طور پر اہم ہے کیونکہ اب تک صارفین کو ایپ استعمال کرنے کے لیے ویب براؤزر پر انحصار کرنا پڑتا تھا، جس سے سسٹم کے ساتھ براہ راست تعامل محدود رہتا تھا اور کام کی رفتار سست ہو جاتی تھی۔ نئی ایپ سے فائلیں جلد اپ لوڈ ہوں گی، نظام کے ساتھ بہتر انضمام ممکن ہوگا اور ایپ کی کارکردگی بہتر ہو گی۔
اسی دوران، گوگل کے ڈویلپر پلیٹ فارم کے لیے موبائل ایپ بھی تیار کی جا رہی ہے، جس سے صارفین اور ڈویلپرز کہیں بھی کام جاری رکھ سکیں گے۔ یہ اپ ڈیٹس ظاہر کرتی ہیں کہ گوگل طاقتور ٹیکنالوجی کے ساتھ ساتھ صارف کے روزمرہ تجربے کو بھی بہتر بنانے پر توجہ مرکوز کر رہا ہے تاکہ ایپ ہر لحاظ سے آسان اور مفید ثابت ہو
