فلوریڈا میں ایک چھوٹے طیارے نے ہائی وے پر ہنگامی لینڈنگ کے دوران ایک کار سے ٹکر مار دی، جس کی دل دہلا دینے والی ویڈیو سوشل میڈیا پر تیزی سے وائرل ہو گئی۔
غیر ملکی میڈیا کے مطابق حادثے میں سنگل انجن بیچ کرافٹ 55 طیارے میں موجود دو افراد محفوظ رہے، تاہم ٹویوٹا کیمری کی 57 سالہ خاتون ڈرائیور زخمی ہو گئیں اور انہیں اسپتال منتقل کیا گیا۔ پائلٹ نے بتایا کہ انجن میں خرابی کی وجہ سے ہنگامی لینڈنگ کی کوشش کی گئی تھی۔
غیر ملکی میڈیا کے مطابق حادثے کے بعد فلوریڈا کی شاہراہ پر گاڑیوں کی لمبی قطاریں لگ گئیں، اور ایمرجنسی ٹیموں نے ملبہ ہٹانے کے لیے کئی گھنٹے کارروائی جاری رکھی۔ تصاویر میں طیارہ شاہراہ کے بیچ موجود میڈین پر پھنسے ہوئے اور آس پاس ملبہ بکھرا ہوا دیکھا جا سکتا ہے۔
پولیس کے مطابق طیارے کے انجن کی خرابی کی تحقیقات جاری ہیں تاکہ حادثے کی اصل وجوہات معلوم کی جا سکیں۔
اسی دوران، چند گھنٹے قبل فلوریڈا میں ایک اور چھوٹا طیارہ ہنگامی لینڈنگ کے دوران پلیماؤتھ ایونیو کے قریب ڈی لینڈ ہائی اسکول کے پاس گر گیا، جس میں دو افراد زخمی ہوئے۔ ایک زخمی کو ہیلی کاپٹر کے ذریعے اسپتال منتقل کیا گیا، اور شاہراہ کئی گھنٹے بند رہی۔
