ایشیا کپ: بنگلادیش نے بھارت کو ہرا کر فائنل میں جگہ بنالی

ایشیا کپ رائزنگ اسٹارز کے پہلے سیمی فائنل میں بنگلادیش نے بھارت کو ایک سنسنی خیز اور یادگار مقابلے کے بعد شکست دے کر فائنل میں جگہ بنا لی۔ میچ کا فیصلہ سپر اوور میں ہوا، جس نے شائقین کو آخر تک لمحہ بہ لمحہ دلچسپی میں مبتلا رکھا۔

دوحا، قطر میں کھیلے گئے اس اہم مقابلے میں بھارتی ٹیم نے ٹاس جیت کر پہلے فیلڈنگ کا فیصلہ کیا۔ بنگلادیش نے بیٹنگ کرتے ہوئے عمدہ کارکردگی دکھائی اور مقررہ 20 اوورز میں 6 وکٹوں کے نقصان پر 194 رنز کا مضبوط مجموعہ کھڑا کیا۔

ہدف کے تعاقب میں بھارتی ٹیم نے بھی شاندار کھیل پیش کیا اور 6 وکٹ پر 194 رنز بنا کر میچ کو برابر کردیا، جس کے بعد فیصلہ سپر اوور پر چلا گیا۔

سپر اوور میں بھارتی بیٹرز دباؤ برداشت نہ کر سکے اور ابتدائی دو گیندوں پر دونوں کھلاڑی بغیر رن بنائے آؤٹ ہوگئے۔ بنگلادیش کے لیے جیت کے لیے صرف ایک رن درکار تھا، جو انہیں ایک وائیڈ گیند کی صورت میں آسانی سے مل گیا

Author

اپنا تبصرہ لکھیں