66 سال کی عمر میں کینسر کے باعث انتقال کرنے والے شمشاد عبداللہ یف کو خراج تحسین پیش کرتے ہوئے، ان کے فن کو یاد کیا جا رہا ہے۔ وہ سابق سوویت ریاستوں کے غیرروایتی فنکاروں کے درمیان اپنی منفرد شناخت رکھتے تھے۔ شمشاد عبداللہ یف کا نام ہی ثقافتوں کا سنگم تھا – فارسی میں شمشادیعنی ایک پائن کی طرح کا درخت، عربی میں عبداللہ یعنی خدا کا بندہ ۔عظیم ریشم کے راستے کے مرکز میں واقع ازبکستان کے اس شاعر نے روسی زبان میں شاعری اور نثر لکھ کر ادب میں اپنی انمول جگہ بنائی۔
شمشاد عبداللہ یف کا ادبی ورثہ شاعری کی چھوٹی کتابوں اور مضامین پر مشتمل تھا، اور ایک فلمی اسکرپٹ پر بھی کام کیا جو کبھی فلم نہ بن سکا لیکن اس کی بدولت انہوں نے 1980 کی دہائی کے اواخر میں ازبک شہر فرغانہ میں ایک اپارٹمنٹ خریدا۔ ان کی شاعری میں روایتی قافیہ یا وزن نہ تھا، لیکن ان کی زندگی اور تخلیقات نے جدید دنیا کے کچھ پیچیدہ سوالات کے جواب دینے کی کوشش کی ہے
