ترجمان دفتر خارجہ ممتاز زہرا بلوچ نے کہا ہے کہ پاکستان میں چین کے سفیر کا حالیہ بیان حیران کن ہے اور پاک چین سفارتی تعلقات کی عکاسی نہیں کرتا۔
ہفتہ وار پریس بریفنگ کے دوران ترجمان نے کہا کہ پاکستان میں چند چینی شہریوں کے ساتھ بدقسمت واقعات پیش آئے ہیں، اور پاکستانی حکومت چینی حکومت اور سفارت خانے کی تشویش سے آگاہ ہے۔ پاکستان نے چینی حکام کو ان واقعات کی تحقیقات سے متعلق آگاہ کیا ہے، اور قیادت کی سطح پر چینی باشندوں، چینی منصوبوں اور کمپنیوں کے تحفظ کے عزم کی توثیق کی گئی ہے۔
ترجمان نے مزید بتایا کہ شنگھائی تعاون تنظیم (ایس سی او) کانفرنس کے موقع پر وزیراعظم نے اپنے چینی ہم منصب کو بھی چینی شہریوں کے تحفظ کی یقین دہانی کرائی تھی۔ ممتاز زہرا بلوچ کا کہنا تھا کہ چینی سفیر کا بیان حیران کن ہے اور یہ پاک چین دیرینہ سفارتی روایات کی عکاسی نہیں کرتا۔
