نومنتخب امریکی صدر ڈونلڈ ٹرمپ نے رواں ہفتے کے آخر تک غزہ جنگ بندی معاہدہ طے پانے کی امید ظاہر کی ہے۔ امریکی میڈیا سے بات کرتے ہوئے، ٹرمپ نے کہا کہ جنگ بندی ڈیل بہت قریب ہے اور توقع ہے کہ یہ معاہدہ جلد مکمل ہو جائے گا۔
ٹرمپ نے کسی کا نام لیے بغیر خبردار کیا کہ اگر معاہدہ نہ ہوا تو صورتحال بگڑ سکتی ہے، جس کی مثال پہلے کبھی نہیں دیکھی گئی ہوگی۔ انہوں نے کہا، “میں سمجھتا ہوں کہ ایک مصافحہ ہو چکا ہے، وہ اس معاملے کو ختم کر رہے ہیں، اور یہ ممکنہ طور پر ہفتے کے آخر تک مکمل ہو جائے گا۔”
واضح رہے کہ غزہ میں جنگ بندی معاہدے کے لیے کوششیں حتمی مراحل میں داخل ہو چکی ہیں۔ قطر اور دیگر ممالک کے حکام نے جنگ بندی معاہدے کا حتمی مسودہ اسرائیلی حکام اور حماس کو بھیج دیا ہے۔
