ایشین یوتھ گیمز 2025 ، ازبکستان میں اولمپک ویلیج کی تعمیر

انٹرنیشنل والی بال فیڈریشن کے صدر ایری گراسا کی قیادت میں وفد نے ازبکستان کی نیشنل اولمپک کمیٹی کا دورہ کیا، جہاں انہوں نے جمہوریہ ازبکستان کے وزیر کھیل ادہم اکراموف اور ازبکستان والی بال فیڈریشن کے چیئرمین، وزیر داخلہ لیفٹیننٹ جنرل پولات بوبوجونوف سے ملاقات کی۔ ملاقات میں ازبکستان میں والی بال کے فروغ پر تبادلہ خیال کیا گیا، جس میں اس کھیل کو مقبول بنانے کے لیے مقابلوں کا انعقاد، ملکی ماہرین کی مہارت میں بہتری کے لیے ورکشاپس اور قومی ٹیم کی درجہ بندی پر بھی بات چیت ہوئی۔ اس موقع پر بتایا گیا کہ ازبکستان 2025 ایشین یوتھ گیمز کی تیاری کر رہا ہے، اور ایک اولمپک ویلج کی تعمیر جاری ہے۔ یہ اقدامات والی بال کے میدان میں ازبکستان کو ایک نئی سطح پر پہنچانے کی راہ ہموار کر رہے ہیں۔